Os
latexos do meu reloxo mantíñanme con vida, pero quedáballe pouca corda e a min
escasas forzas. Sentíao, falábame desde o peto, alto e claro, suplicándome que
reunise o valor suficiente para premelo gatillo e rematar con aquel sufrimento.
Disparei.
Recordo
sentir o frío aceiro do canón no meu padal, tan xélido que queimaba, ata que
ardeu e os meus miolos se propagaron manchando toda a habitación. O meu sangue
tinguiu de vermello o meu corpo limitado e de prata o meu espírito infindo,
ensinando a miña vergoña ao mundo futuro.
Non
quixen bágoas nin flores inmerecidas, fun un fillo de puta con sorte toda a
vida e, aínda así, o meu ego rematou con ela. Non quero choros, nin rezos, só
que se me recorde na miña eternidade, que non é pouco. Non penso desculparme, a
estas alturas xa non lle debo nada a ninguén máis que a min mesmo, e estouno
pagando agora mesmo.
Fermoso,
verdade? A destrución é a única forma de orde que coñezo e o caos estábase
apoderando de min. Era preciso poñerlle FIN.
No hay comentarios:
Publicar un comentario